郭秀雲和錢小豪所生的21歲兒子龐錢景峰，近期被揭曾跟亞姐參賽佳麗③梁綺婷拍拖，昨日有報料電郵指梁綺婷和龐錢景峰搞一夜情，之後二人爭拗，郭秀雲更飛去美國幫手調解等。
身在美國的龐錢景峰昨日手機轉駁去留言信箱，郭秀雲接受電話訪問時說：「完全冇聽過。」有傳她幫兒子調解，郭秀雲說：「冇可能，好誇張，作古仔可以作到咁離譜，我係啱啱喺美國返，但我係去做環保嘅事。佢家讀書幾好，成績都幾好，又同一個女仔拍拖，呢個拍咗一年幾，好乖女，爸爸係政府人，咁乖咁好，唔會搞其他嘢。」對流言可感憤怒？郭秀雲說：「唔緊要啦，今時今日啲女仔，要出位宣傳，乜都夠膽講，唔理就得。」
採訪：林妙萍