講起06年世界盃決賽，相信好多球迷都會記得法國球王施丹用頭槌頂意大利中堅馬特拉斯(圖)心口嘅一幕。前排有人仲為呢件事整咗個雕像，家放咗喺巴黎公開展覽。作為事件中嘅主角，馬特拉斯前兩日去咗參觀，佢仲坐咗喺自己個雕像隻腳上面影相。佢之後將合照放上twitter，然後叫人估下佢去咗邊到旅行。