法卡奧呢兩季踢到曉飛，車路士同曼城等豪門已經虎視眈眈，而馬德里體育會都唔會強留法卡奧，諗住善價而沽。為咗預備法卡奧離隊，馬體會已經搵緊其他前鋒頂佢，最近竟然傳熱刺嘅艾迪巴約(圖)！自從離開咗阿仙奴後，艾迪巴約都冇咩運行，越踢越沉，今季喺熱刺連正選都冇得踢㖭。馬體會諗住搵佢去代替法卡奧，會唔會搞笑咗啲呢！