八方早幾日收到市民報料，喺回歸15年後，仲收到政府部門用港英年代信封寄出嘅郵件，信封頂印有「On Her Majesty's Service」（為女皇陛下服務）嘅字樣。人稱「局長奶媽」嘅政務司司長林鄭知道後，激到紮紮跳仲發信警告公務員下不為例。原來公民黨陳家洛上星期都收到一封「On Her Majesty's Service」嘅急件，係發展局畀佢，封信係喺林鄭發警告信之前寄，定係之後寄就無從稽考喇。公民黨毛孟靜、吳靄儀都做過傳媒，原來連家洛都嘗試過爬格仔嘅日子，佢喺88年至89年喺《經濟日報》跑政治，但當年室內未禁煙，家洛話本身氣管唔好多，所以要轉行。