平治新A-Class上周五喺會展登場，車價由27.9萬至39.9萬。當帳篷打開，車迷可以近距離接觸架A仔之際，即刻好似螞蟻「嬲」蜜糖咁瘋狂塞住車身內外，現場更見到唔少準買家追住塞票畀銷售人員，好似唔使錢咁款。
陳慧儀有興趣
喺財經界來講，似乎女士對A仔嘅興趣大啲，財經節目主持陳慧儀話，以前揸開A仔，貪架車好揸同方便，新A仔三十幾萬亦抵買，佢遲啲會去睇睇。揸緊波子嘅「明燈」孫柏文就指A仔啱女人多啲，佢冇乜興趣。
上周五發佈會現場所見，估計至少賣出200架A仔，認真誇張！大部份以A200同埋限量生產嘅A250 Sport為主，車價最平嘅入門版A180反而較少。第一批貨生產期應該喺明年1月，一般預計3月交車，按照第二批貨4月生產，交車期估計喺6、7月。