邊個都唔估到湖人開季3連敗，亦都估唔到呢隊勁旅會喺西岸包艇。最灰嘅係，喺上場對拓荒者場波，同對方控衞尼拉特撞親嘅尼殊（圖），日前發現原來唔係撞親咁小事；呢位38歲控衞接受檢查後，發現左腳腓骨骨折，雖然只係好輕微嘅骨折，但係嚟緊呢個星期，都肯定上唔到陣。34年嚟第一次開季3連敗嘅湖人，現時只可以二線控衞比歷克頂住。咁搞法，真係唔知幾時先開到齋。