基斯坦奴朗拿度（C朗、小圖）又有緋聞，今次意大利《羅馬體育報》爆料，指葡萄牙模特兒拉芭迪絲（圖）溝緊C朗。拉芭迪絲樣靚身材正，一直都好冧C朗，喺歐國盃期間仲公開話要幫C朗吶喊助威！C朗雖然同俄國名模艾琳娜拍緊拖，但艾琳娜長時間喺美國做嘢，兩小口子隔個大西洋，加上婆媳關係又麻麻，所以真係唔排除C朗會一時受唔住拉芭迪絲嘅誘惑。