江美儀和吳君如胞弟吳君祥相戀7年，同居生活從沒令兩人出現痕癢，她也從不求名份。為了令感情歷久常新，江美儀自爆現實生活中會出動情趣內衣色誘枕邊人。
出動火辣內衣
從不避忌談情說愛的江美儀直言：「佢（吳君祥）見到我都好hot啦，呢啲情趣嘢間唔中一次半次做，大家係好開心，我間唔中會買好性感嘅內衣褲同睡衣㗎。」吳君祥豈非眼福不淺？江美儀冧笑說：「佢本身係好幸福嘅男人。」她還大談性經說：「兩個人維繫一段關係，性呢方面係一part，其他仲有好多嘢。」問江美儀覺得自己的魅力指數有多少分？她說：「我諗有五、六十分，鍾意我就會鍾意我，唔會有中間位。」
江美儀認為不論幾多歲的情侶，用情趣互是必須的，她說：「我覺得好似戲中我為松哥跳艷舞，坊間嘅人批評話點解呢啲年紀仲跳，咁樣係好唔公平，冇規定話呢啲一定要25歲樓下先可以做。」