前皇馬名將魯爾（圖）家雖然已經35歲，但依然雄風不減。呢位昔日嘅金童喺今季去咗中東發展，但絕對唔係去掘金養老，繼續有貨賣。魯爾喺上周五嘅卡塔爾聯賽前列大戰射入一球靚罰球，協助效力球隊艾薩德以4:1擊敗艾雷恩。魯爾喺卡塔爾聯賽嘅統計數字非常靚仔，上陣6場入6球，艾薩德亦以6戰全勝雄踞榜首，球會當初重金禮聘魯爾過嚟效力，真係明智之舉。