農夫踏入樂壇已超過10年，對於自己的定位，他們自評為不過不失。二人有同一理念，就是寧願平穩發展，好過突然爆紅，之後消失得無影無蹤。C君說：「記唔記得有邊個喺爆紅後可以一路keep住好耐？好多都係紅一陣就唔見咗，所以我哋唔望紅，好似家咁就夠。」
感謝嘟姐
於娛圈站穩陣腳絕不易，農夫說10年來有不少人幫過他們。當中不可不提的是經理人DJ Tommy，陸永說：「我哋嘅關係已經超越一張合約，簡直好似屋企人。」另一位是前老闆陳冠希（Edison），C君說之前在商台碰見Edison，感覺像遇到親人。最後農夫想多謝鄭裕玲（嘟姐），很多人見到嘟姐都心存敬畏，C君笑言只有敬沒有畏：「完全唔驚佢，唔好睇佢好似對我哋好惡，喺電台開口埋口叫我哋做垃圾。事實上嘟姐好錫我哋，私底下亦好幫我哋。」