阿仙奴可以話係一間好有良心嘅球會，上月就捐咗78萬港紙畀傑志搞青訓。查實早喺6月，佢哋就透過自己個基金，捐咗374萬港紙畀北京啲學校，等一班年齡介乎6至15歲嘅貧苦學生，可以得到較好教育。另外，佢哋亦宣佈會喺下年暑假去印尼打季前熱身賽；而今次亦係佢哋3年內第3次去亞洲，睇嚟真係好重視亞洲市場。