有人辭官歸故里，有人漏夜趕科場，政府公佈咗新一批副局同政助嘅名單，《明報》前採主羅永聰接葉根銓（Frankie）棒幫財爺手，已經過咗檔去醫管局。做機構傳訊部總行政經理嘅Frankie，喺新崗位準備大展拳腳，最新一期嘅醫管局員工通訊就有佢嘅「轉工自白」。
Frankie話，佢加入醫管局，係想知一個擁有逾六萬名員工嘅機構點運作；另一原因係細個幫阿媽排街症，「對醫務的工作種下因緣！」聽落好似中學生in醫學院，講細個屋企人患絕症咁。但按照呢個邏輯，Frankie其實應該加入排隊黨，而唔係入醫管局賺公帑。