冇車冇遊艇冇分億元身家樂基兒喊住話離婚自立

冇車冇遊艇冇分億元身家
樂基兒喊住話離婚自立

45歲的黎明(Leon)與32歲的樂基兒(Gaile)上月發離婚聲明,指兩人「生活理念上產生嚴重分歧」而正式結束四年婚姻,有指Gaile搭上老外小三Cuz和在Instagram洩露底床照而導致離婚收場,昨日Gaile首次飛甩黎明嫂身份出席中環時裝展覽,Gaile訪問期間激動落淚,更指分手與第三者無關,自己冇車冇遊艇,昨日的表現與前晚風騷落機兩個樣。

回復自由身的樂基兒早前到峇里和馬來西亞過了一個樂而忘返的悠長假期,前晚她風騷返香港,曬得一身古銅蜜糖肌膚色,染了淺啡色頭髮,心情似乎未受婚變的影響。離婚後,Gaile昨晚首次飛甩黎明嫂身份公開出席中環Marc Jacobs時裝回顧展,大會還邀請了劉嘉玲、梁詠琪等嘉賓出席。

【今日我至喊】
樂基兒同黎明離婚後,前晚返港時仲笑騎騎,風騷到不得了,但噚日出席時尚活動,講番離婚單嘢時忽然戲劇性喊爆,睇嚟佢都幾大情大性喎。

Gaile離婚後首度出席活動頓成焦點,眾嘉賓在商場的展區內接受訪問,惟獨刻意安排Gaile到置地文華酒店才肯做訪問,相當大牌,Gaile的助手解釋怕傳媒爭相訪問,引起商場混亂才有此決定。
Gaile透露與黎明分開一段時間,並已簽下離婚協議。問到離婚原因?她說:「我哋分手冇第三者,離婚考慮咗好耐,但唔會話畀大家聽原因,我冇車冇遊艇,最唔開心嘅時候返咗美國,家我嘅事唔關Leon事,Leon嘅事唔關我事。」不想再與Leon扯上關係?她說:「兩個藝人壓力會大啲,畀空間我哋有下個開始,大家冇見只係間中sms。」

Gaile在記招上一時笑一時喊。

談黎父即喊

脫下婚戒的Gaile重獲自由身,有傳她與Leon離婚後瓜分他逾億身家,她說:「我冇,同普通人一樣,有工作,儲錢買自己鍾意嘅嘢。」根據香港法律離婚後可分對方一半身家,問Gaile是否分到二億?她說:「我唔清楚,但我唔係咁嘅人。」之後更眼紅紅激動說:「冇雜誌寫到咁。」問Gaile是否貪錢?她即說:「我會工作,自己儲錢。」與Leon父親關係是否一向惡劣?她即流淚說:「唔係事實。」離婚是否涉第三者?她情緒再次激動,梨花雨帶說:「唔係事實。」助手即時遞上紙巾給她拭淚,期間她喊了近十分鐘。

此外,劉嘉玲表示不會特別關心Gaile離婚的事,她說:「佢哋兩個已經重新生活,希望有個非常開心嘅開始。」
昨日黎明舊愛舒淇在微博上寫道:「Dear不要緬懷過去,過去是無明。不要暢想將來,將來是妄動。不要執着當下,當下是無常。」似是向黎明贈言,寄予他盡快走出離婚的陰霾。
採訪:林嘉慈
攝影:陳志嵐

梁詠琪暴脹不少,疑似有喜。