唔知係唔係一眾男網手嘅目標已經放咗喺下周一喺倫敦展開嘅ATP年終賽，所以現正上演嘅巴黎大師賽就爆冷頻頻，繼塞爾維亞嘅迪祖高域喺次圈甫亮相即出局之後，3號種籽英國嘅梅禮（右）亦都喺周四嘅第3圈，以1:2不敵波蘭嘅贊奴域斯（左）。不過，經過周四嘅賽事之後，今屆ATP年終賽嘅8個參賽席位亦順利決出，最後兩席分別由法國嘅泰桑高同埋塞爾維亞嘅迪沙拉域奪得。