馮仁昭四圍超：亞姐窄裙谷胸　索氣見暈 - 馮仁昭

馮仁昭四圍超：
亞姐窄裙谷胸　索氣見暈 - 馮仁昭

噚日12個亞姐同11個亞生出席亞視喺大埔總台搞嘅「跨越領袖號」宣傳車啟動禮，大會安排咗一班亞姐着晒窄身tube dress，一班亞生就着住拉丁舞衣為新車剪綵。
班準亞姐着住條窄到唞唔到氣嘅谷胸裙，搞到現場波濤胸湧，不過有唔少佳麗唔覺意露餡，最勁係11號陳瑩瑩，佢好明顯係着咗條細兩個碼嘅裙，見佢好辛苦，夾到胸都變形，胸口仲疑似見到乳暈，不過佢就好滿意，堅稱條裙好fit，佢話：「好啱身，最緊要係着得靚，之前都已經着過泳衣，都已經習慣，呢條裙已經好大方。」見佢疑似露暈，會唔會係冇貼乳貼？佢好肯定咁話：「嗰個唔係乳貼。」按摩按出一副好身裁嘅12號黃一晴，活動其間不停檢查自己心口，最終都係唔小心露出乳貼。5號齊真晨坐低時，胸墊外露，工作人員見到帶佢去服裝間整理，佢話自己坐嘅時候動作太大，以上問題，相信都係因為條裙太窄。

11號陳瑩瑩（左）同12號黃一晴齊齊失守，一個疑露乳暈，另一個露胸墊。

緋聞女主角現身

另外，3號梁綺婷俾人踢爆同錢景峰拍過拖，又鍾意蒲同媾仔，佢全部否認話：「我今日先知佢叫錢景峰，識佢只知道佢叫Andrew，係透過一個同學識，玩過幾次，冇同佢拍過拖，亦唔知係咪得罪人，嗰張相我自己都冇，同埋嗰次仲有幾個朋友一齊。」
撰文：馮仁昭

左起：8號于建茹、7號許麗莉、 6號孫倩同5號齊真晨噚日着窄裙鬥性感，不過許麗莉嘅胸前白印就唔多養眼。

3號梁綺婷否認同錢景峰拍過拖，擔心自己是否得罪人。