綽號「壞孩子」嘅曼城麻煩友箭頭巴洛迪利，正因為佢是非多多，亦佢令本身嘅新聞價值大大提升；最近巴神更登上美國最新一期《時代》雜誌封面，係繼球王美斯之後，第二位當上《時代》封面嘅足球員，巴神今次真係威過威士忌。內文以「超級馬里奧」嚟描述巴洛迪利，認為佢係球壇其中一名標誌人物；文章亦提到原來巴神從未射失過12碼，比起美斯82%嘅12碼命中率更佳。