狼振英班子好多高官表現不濟，政務司司長林鄭充當「官場奶媽」湊仔，勞碌奔波搞到激瘦。噚日林鄭去中大演講，自爆激瘦之謎。
晚晚瞓到覺
有位社工系嘅學生問林鄭，上任以嚟有冇做過違背良心、夜晚會發噩夢嘅事，林鄭梗係話冇，自稱晚晚瞓得好好，可惜係唔夠瞓，所以上任之後先會日漸消瘦。
有位政治與行政系學生挑林鄭機，狂質林鄭避談六四、抹黑反對新界東北發展嘅人，點知佢叫錯林鄭做局長外，仲爆咗句「你所領導嘅係所有香港人，定係選你出嚟嗰1,200個選舉委員會呢？」
林鄭聽到都忍唔住冷言：「政政系學生呀？我唔係被選出嚟㗎，我係被行政長官推薦、中央任命嘅官員」！搞到身為主持嘅中大政治系學者蔡子強爆。