香港童軍總會今年8月號月刊登咗張相，被踢爆有編輯刻意用電腦軟件，整濛咗台灣童軍胸前嘅青天白日滿地紅旗章，引起台灣不滿之餘，亦被批評係自我審查，跟風造假。原來童軍總會喺最新印製嘅9月號月刊，喺編者的話中認衰，話因為敏感度不足而引致大家唔高興，佢哋對此感到遺憾同致歉，並重申，童軍運動一向唔涉及政治，堅持盡量以中立態度審閱。佢哋表明會尊重各地童軍運動嘅特色同文化，承諾日後會更嚴謹處理月刊嘅編輯工作喎。