意甲周三快車，祖雲達斯同國際米蘭（藍黑衫）都驚險過骨，祖記靠小將保羅普巴90分鐘建功，先險勝博洛尼亞2:1；國米就喺上半場落後1球下，反勝得10人應戰嘅森多利亞3:2。點都好，由於拿玻里喺另一場輸咗俾阿特蘭大，國米贏波後就直接升上第2，啱啱好嚟緊周六就係同祖記對撼嘅國家打吡，今鋪仲唔係名副其實嘅榜首大戰。