香港靚仔律師欖球手變咗光頭隊長？唔係講笑，有相為證（左三），26歲見習律師兼香港七欖隊長路雲，原本濃密鬈髮，怎知來新加坡前一晚由女友操刀剪髮，錯手喺額前剃咗條大痕，於是索性剃光。
呢位中英混血兒當然想新光頭能帶來好運，噚日同其他主力球隊隊長喺新加坡木球會（附近係新加坡濱海灣金沙酒店空中花園）舉行嘅滙豐世界盃亞洲區外圍賽記者會，同日本隊長攞住獎盃笑騎騎。佢話球場細細（得7,000座位）好似香港足球會，好有親切感，有信心喺今日分組賽擊敗關島同菲律賓，然後入下午嘅8強賽。
另外，香港欖球正爭取入體院精英項目，路雲話若明年3月成事，他或會放棄律師做全職欖球員。