噚日講完霍啟剛同郭晶晶今個月11號香港婚宴嘅司儀人選，今日再講日程，之前傳過「剛晶世紀婚禮」8至10號連續三日喺南沙擺喜酒係流料來的，成個婚禮分開三日中港兩邊搞先至真。
註冊後返鄉再返港
霍啟剛同郭晶晶將於8號喺霍家沙宣道大宅舉行註冊儀式，由律政司前司長梁愛詩主持；10號返霍家鄉下番禺南沙，喺霍家旗下南沙大酒店擺喜酒；翌日11號就喺灣仔會展舉行另一場盛大婚宴。剛晶婚會展站請來藝人曾志偉同無綫財經節目《創富坊》主持朱凱婷擔任司儀，聽聞南沙站嘅男女司儀則另有人選，霍家對司儀人選要求相當高，都係要靚仔靚女，講嘢大方得禮嗰類啦。曾志偉同朱凱婷之前都試過拍檔做節目主持，不過合作做婚禮司儀就第一次，應該駕輕就熟啦。