很多人會將家中的寵物當成自己的親生小孩，對牠們寵愛有加，商台DJ唐劍康Donald與太太張詠恩（Jan）養了兩隻貓咪，各自偏心一隻。Donald對第一隻進駐唐家的定情貓阿Milk有如情人般看待，由於是養貓新手，終日惶恐不安。
撰文：李珮洳
商台DJ唐劍康（Donald）太太張詠恩在七年前買了一隻金吉拉貓「Milk」，作為送給Donald的禮物，幾年後她再領養了貓女「米高」。雖然阿Jan當年以寵物作為禮物，事前她經過深思熟慮，知道自己與Donald不會遺棄小動物，她說：「好多情侶因為分手就唔要隻小動物，於是就有好多被人遺棄嘅貓狗，當年我哋已經好穩定，加上Donald一直都好想養貓，所以我就買咗阿Milk送畀佢。」
以為重病嚇到喊
由於二人都是養貓新手，阿Milk回家初期十分緊張，每當牠身體出現小問題，都會令他們擔心不已，Donald說：「初時見到啲便便稀少少就好驚，周圍打去問朋友或者上網check係乜嘢事，check唔到乜嘢事就會即時帶佢去睇醫生，過咗一排先冇咁緊張。」
Donald回想起最令他擔心的一次經歷是以為阿Milk有重病，他說：「嗰時搬去新屋，阿Milk幾日冇便便，咁我哋就帶佢睇醫生。醫生話要照吓腸，後來同我哋講話照到腸有個黑影，有黑影即係嗰味嘢啦，阿Jan喺診所擔心到喊。」之後Donald帶阿Milk到第二間獸醫診所求醫，發現第一位醫生所講的黑影，竟然是一嚿屎，令阿Jan破涕為笑。
當二人開始熟習貓咪的脾性後，阿Jan於網上一個領養動物網發現了只有幾個月大的米高，自小十分喜愛卡通片《What's Michael》的她，與Donald商量後決定領養多一隻貓。明明是一隻貓女，但由於樣貌與《What's Michael》中的主角米高十分相似，阿Jan決定將牠改名為米高。百厭的米高不時在家中衝來衝去，間中又會去騷擾阿Milk，令阿Milk感到不耐煩。
將主人Figure碎屍
養貓的朋友家中必定會安裝蚊網，以防貓咪發生意外，阿Jan家中亦不例外。不過全屋只有廁所窗沒有裝蚊網，有一次米高差點出意外，阿Jan說：「平時我哋會關廁所門，有次唔記得咗，發現唔見咗米高喎，一行入廁所見到佢半個身伸咗出窗。嗰刻我唔敢大叫、動作又唔敢太大，怕嚇親佢會跳咗出街。最後我以慢動作咁捉番佢入屋。」
活潑的米高可算是家中的搗蛋王，牠曾整跌花瓶弄致一地玻璃碎，最搞笑的是將Donald的figure碎屍。阿Jan笑說：「Donald有日發現個figure隻手唔見咗，之後我留意米高成日走去廚房望定一個位，原來佢將隻手收埋咗。」
