湯寶如入行20年，12月會首度喺紅館舉行個人演唱會「湯寶如20年零一夜狂歡演唱會2012」，老友劉小慧同黎瑞恩都會做嘉賓，湯記仲話：「初入行時同學友合唱《相思風雨中》人氣急升，唔知佢能唔能夠抽到時間。」湯寶如仲想請埋寶麗金嘅老友草蜢、鄭中基同蘇永康等，問會唔會請舊愛梁漢文？佢話：「唔想炒作，我哋冇聯絡。」