皇家馬德里喺周三西盃32強首回合，作客丙組仔艾高恩奴贏4:1，值得高興嘅係卡卡（右二）又一次把握到表現自己嘅機會，第一次以皇馬隊長身份上陣仲有入球；而佢上一次為皇馬入波已經係7個月前嘅事，今次可謂雙喜臨門，難怪佢賽後好開心咁話一直都無意離隊。另外，皇馬青訓小將查舒夫一直都未曾為一隊披甲，但竟然俾卡比路睇中，徵召佢入選俄羅斯國家隊初步名單。