左派試探軍情，唔使動刀動槍，一個電話就搞掂。八方噚日收到香港研究協會錄音民調，話想了解香港教育人士嘅社會地位，問題得幾條，但背景資料就問得好詳細，住邊區都要知，八方答完以為搞掂，點知最後兩條先係精華：「請問你支持邊個政黨？」不枉八方付出兩分鐘做問卷，終於等到狐狸尾巴出現。事關佢哋之後再問多條，「人民力量同社民連，你較支持邊個？」問到咁仔細有乜動機？留番兩黨推測啦。而呢個親中協會，係由江蘇省政協蘇祉祺出任主席，每逢選舉都做調查，係咪有啲眉目呢？