安莉芳（1388）昨公佈，第3季銷售按年升14%，同店銷售增速較前兩季放緩，為應對經濟放緩同成本壓力，他們採取「保守」策略，零售點今年減少14個，但他們一向做自家品牌，毛利率逾8成，按理活得比利邦（891）和I.T（999）好。
加上Bra乃是貼身用品，保養得幾好每年都要換，現時女孩子營養好較早熟，生意應該好咗，歸咎經濟放緩，不如歸咎「保守」二字，強國現時有兩批人消費最勁，包括近年崛起的中產和剛發育完成的90後，佢哋使緊6個人的錢（爸媽、爸媽的爸媽）。
女孩子錢最好搵，使的不是自己錢，特別手鬆，揀Bra同食快餐一樣，離唔開平、靚、正，自己就是本錢，唔需要咁多功能，如果唔係Cotton On、6IXTY 8IGHT就唔會咁多人排隊畀錢，安莉芳若要突圍是時候向Victoria's Secret PINK學吓野！
Samantha
本欄逢周一、三、五刊出