黎耀祥和米雪主演的無綫台慶劇《大太監》將於下周一首播，為隆重其事，無綫前晚在圓方舉行首映，率先為劇集造勢，演慈禧太后的米雪和大太監李蓮英的黎耀祥，被視為今年視后、視帝大熱，祥仔能否奪獎仍是未知數，他坦言平常心對獎項，反而對最佳劇集一獎寄望甚高。
無綫台慶劇《大太監》下周一首播，無綫前晚在圓方搞首映，劇中一眾主要演員如邵美琪、陳茵媺、胡定欣及李詩韻等均盛裝上陣，演慈禧太后的米雪和大太監李蓮英的黎耀祥壓軸出場，他們更在台上舉杯，預祝劇集大收。
陳國邦閹前生B
蕭正楠在台上亦預祝祥仔再做視帝，祥仔坦言：「希望劇集橫掃所有獎項，尤其係最佳劇集。」剛做爸爸的陳國邦前晚亦有出席，蕭正楠介紹他出場時笑稱：「佢真係勁，做太監都可以有BB。」陳國邦即說：「係呀，我喺閹之前生㗎。」
祥仔剛由大馬回港，他曾兩奪視帝，今年力求第三次攞獎，問他是否希望《大太監》橫掃台慶頒獎禮所有獎項，祥仔說：「有獎邊個唔想攞？希望大家可以支持我。」
米雪要錦上添花
問祥仔會否感到壓力？他說：「唔會，我自己對獎項唔會有太大壓力，今年仲係一人一票，我相信各有各支持者，真係要去到最後先知道結果。但係呢套劇真係好好睇，我最想攞最佳劇集，呢個獎代表台前幕後所有人一齊攞。」
米雪亦被問到對獎項的信心，她說：「有獎係好事，可以錦上添花。」另外，《大太監》第一集講黎耀祥和陳國邦的兩派太監鬥法，有一幕祥仔連摑陳國邦四巴掌，並邊打邊說：「對唔住，奉命行事。」
採訪、攝影：楊潔雯