會計師行信永中和（香港）創辦人何錫麟，周一喺北京仙遊，享年八十有餘歲，本周六在港舉行悼念儀式。行內人對於何錫麟呢個名字唔陌生，事關佢間何錫麟會計師行，05年同中國北京信永中和會計師事務所合併，成為首間擁有全面專業資格、喺中港兩地經營嘅中國會計師事務所。本地細行要打入內地市場，相對四大會計師行難，所以何錫麟會計師行當年成功透過合併進入內地，絕對唔簡單，之後亦成功接到唔少H股生意。好似話，何錫麟太太王小娟當年為咗呢單合併，出過唔少力。
近年長居北京
何錫麟早年經常出入馬場，佢同太太係馬主，養咗隻馬叫「活威小子」，不過已經退役。何錫麟位千金仲讀緊書，何老先生近年主要同個女住喺北京，好少回港，反而佢太太就中港兩邊走。