在一家製冰公司工作多年的阿明，近日不停被舊同事游說加盟「香港製冰」，「佢同我講嚟呢度包三餐（可從中食夾棍暗語），公司唔理，好似一包冰畀客人9蚊，報畀公司3蚊，冇王管！」
不敢放假怕被揭發
阿明說，對方向他透露「食夾棍」的收入比正式跟車工薪金還高，「正常底薪10,000元，每賣一包冰抽佣1元，以每天只賣近300包計算，一個月有大約8,000元佣金，加埋人工大約18,000元，但佢哋可以每個月賺多兩萬」，總計月入達36,000元。阿明說，自己在製冰公司亦負責九龍線，跟客人熟絡，所以對方他加盟以增加客源。
「我知佢哋家收入閒閒哋四萬蚊一個月，但做賊都有做賊嘅煩惱，就係唔敢放假，驚萬一放假俾替更嘅同事知道佢哋中間食左公司幾多夾棍」。他說不少舊同事自加盟香港製冰後，都沒有休息過一天。「佢哋轉左去香港製冰後，竟然大部份都冇放過假，係幾個月都冇！就算請假，都一定搵自己人替更。」他說返工像做賊一樣，不能心安理得，不願同流合污。
《蘋果》記者