有從事製冰行業的人士向記者表示，他們這行全部以現金交收，故運送冰粒的前線職員想從中食夾棍很容易。「如果你每個交易都用支票或者戶口過數，根本無辦法出蠱惑，但啲客大部份都只係買幾包冰，涉及款項幾十蚊，一定係現金交收」。他說有些客戶甚至連單據也不要，故前線員工可以亂填，公司亦無從追查。
「收據簿任員工自己攞」
他說，有公司為防止員工亂來，會派員落區突擊抽查店舖，並且會限額派發收據簿，「香港製冰啲收據簿任員工自己攞，員工可以一本用嚟寫畀舖頭，一本交返公司，好求其！」
他說香港製冰公司自年多前進軍食用冰後，為打開市場不惜蝕賣冰粒，一包十公斤成本約8元的食用冰，行家賣15至20元，他們賣3元一包給店舖，「佢哋希望做畀上面睇，有咁上下嘅客源，否則買咗十幾部運冰車原來冇客訂冰，咁仲難交代」。
他說，由於公司容許賤價促銷，前線員工最初的確是2元或3元賣給客人，但打開市場後，他們慢慢將價格提高至6元至10元，但繼續向公司報3元一包，「公司唔理，俾我都食中間差價！」
《蘋果》記者