關心妍易容<br>扮菠蘿頭王菲

關心妍易容
扮菠蘿頭王菲

演藝人協會前晚在尖沙嘴舉行萬聖節「服古派對」，會長曾志偉扮武俠龍劍飛，呂慧儀和高海寧（高Ling）分別以西方公主和雅典娜造型鬥性感，扮PSY幾可亂真的錢國偉則帶女友陳宛蔚進場，又有關心妍以王菲的經典菠蘿頭現身，十分熱鬧。

【今日我至變】關心妍完美示範乜嘢叫做「連阿媽都唔認得」，但唔係因為個王菲頭喎，而係五官輪廓變晒。

高海寧（左）和呂慧儀高曾志偉一大截，志偉使出一招「如來神掌」，正好托在兩女胸前。

王維基（左一）前晚率領劉玉翠（左二）、姜大偉（左三）和黃日華（右二）等城電演員踩場出席派對。

「專登整豬膽鼻」

雖然大家落力扮嘢，但只有「Angela心妍」有令人認不出的本事，關心妍以王菲經典菠蘿頭出現，簡直媲美吳鎮宇早年在《真過癮時代》的「皇妃超人」造型，記者要花點時間才能確認是她，Angela心妍一臉沾沾自喜，問可擔心被指整容？她笑說：「今日係易容，唔係整容，你哋（指記者）有少少唔認到我就證明我成功咗。我要專登整個豬膽鼻同將眼畫黑咗，搞咗六個鐘先搞掂呢個特技化妝。」

已為人母的溫碧霞沒有出奇招扮鬼扮馬，僅以一身高貴造型亮相。

肥Wilson錢國偉扮PSY扮上癮，出席派對都要跳part騎馬舞。

肥媽的埃及妖后造型十分認真，獲不少人讚賞。

同場身材矮小的志偉夾在呂慧儀和高Ling中間，抵死使出一招「如來神掌」，令人錯覺托她們的胸。呂慧儀聽到志偉「嘩嘩聲」大叫，不怒反笑說：「唔係好sexy啫，有喱士遮住。」
採訪、攝影：溫敏芝