噚日機場都幾熱鬧，先有少女時代成員之一Yoon-A來港出席活動，之後約11點就見黎耀祥同老婆返嚟，原來祥仔啱啱喺檳城登完台搵完真銀。至兩點幾就見單拖嘅曾志偉出現，佢話喺泰國返，問到去玩定做嘢？志偉話一半一半喇。志偉返嚟要趕住出席噚晚嘅演藝人協會哈囉喂派對，佢話：「我想扮曹達華，但𠵱家都未搞掂。」