一場特首選舉，令人看盡人情冷暖；邊啲係人、邊啲係鬼，以致邊啲係世界仔，好多政壇中人心中有數。有商界老人笑笑口同八方講，世界仔呢個稱號，有分新同舊㗎。吓，有乜分別？哈哈哈，呢位商界老友揭曉：「新世界仔」係一個尊稱；邊個可以獨享？梗係純官啦，好明顯有雙重意思囉。原來商界中人自特首選舉後，私下聚會不時講起純官呢位「大和解使者」，大家都對佢極速跳船「刮目相看」；自此，「新世界仔」呢個稱號喺工商界紅爆。八方順道問問呢位老友，咁班商界中人對狼英嘅看法有冇轉變？答案係斬釘截鐵嘅：冇！點解呢？講嚟講去都係嗰句：「呢個人，信唔過！」唔知新世界仔又有乜意見呢？