台灣偶像汪東城前晚喺尖沙嘴出席活動，佢戴咗假牙扮吸血鬼提早慶祝哈囉喂，但就搞到講嘢漏晒口。飛輪海好兄弟吳尊日前話汪東城個鼻直咗唔少，佢直認：「是呀，可能是化妝的關係，未有不開心，如果說我塌下來才會不開心，可能因為之前水腫有影響，又可能吳尊太久未有見我們。」汪東城話唔介意吳尊咁講，因為都係讚佢靚仔。佢話成日俾人話整容都幾煩，至於被指同炎亞綸變臉變到好似樣，佢就話：「應該不會。」