內地著名導演張藝謀歷年來拍過不少電影，對電影界貢獻良多，前日張大導就飛咗去韓國，因為佢獲韓國檀國大學頒咗個文學名譽博士學位，表揚佢對世界文化藝術發展嘅貢獻。張藝謀仲着住博士袍帶埋四方帽出席儀式，前釜山電影節主席金虎東陪住佢出席，後嚟張大導仲應邀出席另一個活動，即席揮毫，表演埋寫大字㖭。