Halloween明明係西方節日，但華人就當正係寶，事關可以攞正牌扮鬼扮馬，細路玩得開心，大人亦可以放縱，冇拖拍嘅，仲可以借啲意識吓異性！好似陳靜（DaDa）同鍾采羲（Iris）咁，前晚拋晒胸出嚟，擺明係想識男仔啫！撰文：洪紅克
曾幾何時欣宜扮白雪公主俾人投訴，佢噚日趁住Halloween又嚟扮嘢，喺微博放咗張扮白雪公主嘅相，見佢係咪前開懷大笑，仲好識自娛咁話：「最能令自己站起來，最好不過是……自嘲了！」認真大方。微博圖片
最愛扮鬼扮馬嘅Eason，又點會放過呢個機會！佢噚日喺微博貼相，見佢揸住個南瓜頭，成個《猛鬼街》嘅Freddy咁，好彩用咗apps加工啲假鬚假鼻，先至冇咁陰森恐怖。微博圖片
張馨予都嚟應吓節，仲落足心機化個阿凡達妝，成身藍色都一樣咁索，哈囉喂，正呀喂！
微博圖片
【地點：柴灣】
HotCha前晚扮喪屍，雖然hea咗啲，但勝在有黑絲。Winkie（右）話前幾年玩得太多，今年要休息吓。Crystal（左）又話想識男仔：「啱啱過咗生日，一個人，冇男友，所以想去識男仔。」
應采兒（左）玩還玩，唔好樂極生悲呀，陣間又搞到Yumiko（右）整傷條頸，就真係多得你唔少。互聯網圖片
