唔捨得、唔捨得，一萬個唔捨得！曾經為香港爭取無數金牌、39歲本地嘅體壇icon黃金寶（圖），仲有8日就退役，今日同一班師弟參加環太湖單車多日賽作為告別戰，一連8站今日起在蠡湖之光展開，長140公里，港隊成員還有郭灝霆，佢話能夠參加阿寶告別戰，榮幸之餘，當然好唔捨得，佢仲話唔知會唔會踩到喊㖭。阿寶最終攞到乜嘢成績，大家呢幾日要留意啦！