楊千嬅復工後密密開工，前晚更上台行騷示範手袋。千嬅自爆生了四個月，仍有十幾磅未減，老公不時曲線笑她是恐龍、暴龍，千嬅話生仔太虛耗，要儲足彈藥才可以再追。同場JW減肥成功，宣佈正式加入娛圈。
楊千嬅、諸葛紫岐和JW等前晚在銅鑼灣出席手袋活動，千嬅充當女模上台示範手袋，一身便裝的她依然有點胖，她說：「努力中，復工後只係去咗一個四日三夜嘅布吉之旅，因為老公表妹結婚。」有否穿比堅尼示人？千嬅即狂笑：「梗係冇着啦，着晒風褸、運動衫，好似滑雪咁。」
未有彈藥再生
跟演唱會全盛期，千嬅表示現時體重仍相差十多磅：「由圓形變咗去橢圓形，好想變番長條形。」她指在布吉期間，經常facetime和囝囝見面，但自言工作不會帶兒子同行。至於老公丁子高有否嫌她肥？她說：「全世界都可以話我肥，佢同佢屋企人就唔可以，因為生仔呢個咁偉大工程，佢有一半份，老公覺得我最靚。佢都好好，會陪我跑步、on diet，佢好幽默，話我係恐龍、暴龍，唔敢正面話我肥。」
千嬅坦言生仔大工程：「已經生咗四個月，入面都好虛耗，要補補。」再造人？她說：「啱啱生完，休息一吓先，睇緣分啦，儲定啲彈藥、能量，生BB要好多營養。」會否出席年底頒獎禮？她竟說視乎兒子批准與否：「佢笑我咪去，喊我咪唔去。」
JW唔靠樂基兒
同場久未露面的JW則清減不少，她謂：「我已經畢業喇，開始正式加入娛圈，會長留喺香港。」她指早前錄音，老闆黎明也有給予意見：「我都好畀心機聽，同我講邊啲唔好，要修改。」樂基兒不再幫她做styling，JW說：「善用人才，再發掘啲新styling囉。」另外，李璨琛今個月結婚，前度女友趙嘉懿表示沒收到請帖，她說：「冇請我呀，分手之後大家都delete咗對方電話。」採訪、攝影：顏英儀