中國羽毛球「1哥」林丹（中）奧運後決定休息半年，一來為結婚，二為要唞吓。之前幾個系列賽都冇參加，剛公佈嘅中國公開賽，超級丹繼續缺陣。因為世界羽聯規定，世界前8球手必須出席丹麥同中國站等大賽，如缺席一個就罰5,000美元（約3.9萬港元），呢半年有4個大賽，林丹被罰兩萬美元。不過以佢娶謝杏芳嘅婚禮都豪花300萬人仔，呢筆罰款濕濕碎啦。