傅珮嘉結婚生仔之後唔係專心湊仔，係要努力工作，噚日佢喺觀塘嘅育兒學校招呼朋友，佢話：「𠵱家個仔快兩歲都好難搞，開始有自己主見，去街着乜嘢鞋要自己揀，唔鍾意會睥住我，我哋有時會互睥，所以都唔可以畀小朋友太多自由，真係要教。」傅珮嘉又話現階段都唔打算再追多個小朋友：「我都好忙，要自己錄歌，老公火鍋店新開又好忙，所以都唔會生住，或者遲少少先。」