世上有一種怪病叫做斯德哥爾摩症候群（Stockholm syndrome），根據維基百科解讀，呢種病係一種受害人嘅心理情結，喺一宗罪案裏面嘅受害人，出於對罪犯嘅同情，竟然反過來幫助罪犯。咁點解叫斯德哥爾摩呢？因為呢個症候群嘅經典個案就係發生喺瑞典首都斯德哥爾摩。1973年，有兩個罪犯搶劫一間銀行，仲脅持咗四個銀行職員，同警方對峙期間，銀行職員對罪犯產生咗憐憫之情，反而對營救佢哋嘅警方採取敵視態度。
喺行之歪道嘅思歪梁領導之下，香港最近都出現咗一宗斯德哥爾摩症候群個案。思歪為咗兌現選舉承諾，當選後三個幾月終於提出長者生活津貼，然後責成立法會班人肉橡皮圖章馬上通過，以便思歪等一眾高官提升番些少民望。
由於長津設有資產審查，議員要政府取消或者放寬資產限制先肯支持。勞工及福利局局長張建宗就發爛渣，脅持40萬長者做人質，聲言議員唔即刻通過就罰班老人家出少個月糧。雖然有轉軚多過食米嘅禮義廉歸順支持政府，但係喺泛民同工聯會嘅堅持下，議案未能及時通過，長者最快要今個月先開始計算長津。
一句「財政紀律」否決追溯
雖然企硬嘅議員係為咗幫更多長者爭取長津，但係好多團體同長者都嬲咗?議員，覺得佢哋令佢哋收少一個月錢。呢啲就係斯德哥爾摩症候群嘅變種，叫「派得好鬼麼」症候群。主宰幾時派、派幾多、派畀邊個嘅人，明明係張建宗，佢咁着緊班老人家，點解唔早幾年派？一句「財政紀律」就否決咗追溯長津發放期超過一個月嘅可能？仲衰到搵長者做人質咁虐老！不過奇就奇在，喺成件事上面，張建宗做晒慈善家大好人，連好多長者都buy佢，反過?鬧爆班幫佢哋嘅議員。呢個社會真係有病。