中環在線:標準人壽單挑貝萊德 - 李華華

中環在線:標準人壽單挑貝萊德 - 李華華

英資標準人壽開到口要挑戰全球最大資產管理公司貝萊德(BlackRock)!標準人壽投資董事彭宏逖早排喺香港,話公司部署緊進軍亞太區市場,主攻央行、主權基金、私人銀行呢類機構投資者客戶,仲講明會以貝萊德為競爭對手。

進軍亞太區

標準人壽𠵱家管理資產2471億美金,相比貝萊德管理緊3.7萬億美金,都唔足7%。亞太區業務未站穩腳,就話挑戰霸主,仲唔係心口掛個勇字?!之但係,央行同主權基金嘅基金經理都係投資高手,能服侍佢哋都唔係泛泛之輩,話晒標準人壽1825年已經成立,有成187年歷史,貝萊德都唔可以掉以輕心。