「爸爸，我哋有嘅係兄弟團結！」甘健成與弟決裂鬧上法庭，甘健成兩個兒子崇軒、崇轅看在眼裏，深深上了一課。生於飲食世家，兩孩子自小受薰陶，父親講解材料特色、烹調技巧，黃毛小子邊吃邊聽，一頭霧水，長大後才發現每一句都是父親將一生奉獻給粵菜後換來的經驗。父親沒留半句話就離開，但留下「回味無窮」的回憶，一代一代維繫下去。
研究食譜創作fusion菜
崇軒、崇轅辦妥父親身後事，暫且放下官司，早前跟記者講述父親生前為「食」的軼事。甘健成工作繁忙，早出晚歸，下班回家已近深夜，但不忘買消夜與家人共享。每逢星期日，除帶兒子看電影、去沙灘，活動當然離不開食。「簡單食童子雞，爸爸會講點解咁嫩口咁滑，要炸幾耐，點解咁脆都解釋埋俾你聽，佢一路講，其實我唔知㗎，10歲左右之嘛」崇軒憶述。
甘健成曾舉家移民加國，崇軒、崇轅及其幼子崇軾留在彼邦升學。雖然甘健成先回港，但每年都定時到加國探望，炮製簡單美食，以解兒子鄉愁。當中最令崇轅印象深刻的「溫馨食物」就是蛇羹，「外國唔會有材料，但爸爸會做到出嚟，老雞金華火腿湯底，薄脆、菊花全部做返晒，仲有炸大腸、吊燒乳鴿……」甘崇轅說，內心喜悅更勝箇中味道。及後，兩兄弟入鏞記幫手，父親不時與他們研究失傳的食譜，創作fusion粵菜。
崇轅現已成家立室，也有自己的兒女，甘健成對孫兒十分疼錫，「我個仔鍾意食麪包，夜晚麪包舖閂晒門，我爸爸會去麥當勞買個漢堡包，但唔要肉，淨要個包」崇轅說。父親給他們的當然不只溫飽，還有很多溫馨回憶。兄弟更透露，父親留下多本食譜及筆記，吸收了父親傳授的技巧，定必將父親對飲食的精神延續下去。
記者 陸羽平