人怕出名豬怕肥，藝人出去玩最怕被人指點欠私隱，往往為形象都出動帽子、墨鏡和口罩三寶，不過今日是西方哈囉喂，他們只要變身嘩鬼出動，好容易避過狗仔隊耳目。暴乳女神何佩瑜（Jeana）和A&F男神趙勁皓（King）日前就化了鬼妝夜蒲嚇人。撰文：比華利
今日Halloween，騎呢黃夏蕙和龍婆羅蘭未出籠，Jeana和King率先變身爛面艷鬼和爆眼男四出嚇人。
途人雞飛狗走
Jeana毫不吝嗇晒D奶，她變身爛臉女鬼後，換上露半球火辣紅裙，艷鬼出沒。白色隱形眼鏡點睛後，恐怖程度即十級跳，Jeana看到鏡中自己，不禁尖叫出來。至於King的右眼插入可樂罐，同樣令人看到打冷震。
兩人鬼上身後確實難以辨認，隨即到街頭測試驚嚇度，途人夜麻麻撞鬼當然雞飛狗走，不過也有為食街坊走上前索取糖果。Jeana忽然肚餓走入老麥買雪糕，女店員眼利認出，她則死口不認。Jeana大談玩後感說：「好好玩，頭先年紀大嘅街坊真係俾我嚇倒，唔好意思，我覺得呢個鬼妝恐怖指數有9.9分。」而King則說：「我都係第一次化呢啲面目全非嘅妝，真係過足癮；好彩個罐有窿，仲睇到路。」
嘩鬼大變身
