QE3令市場水浸，各大基金各出奇謀吸客吸金，法巴投資全球新興市場基金投資總監Gabriel Wallach早排話，佢哋係由下而上嘅揀股專家，之但係，大部份基金經理都鍾意標榜自己㗎啦，咁邊個先係至叻呢？
Wallach話，富達同安本等行家只係自命，而非真正嘅由下而上揀股專家，法巴先係堅嘅。查實法巴投資全球新興市場基金嘅表現並唔標青，截至今年9月底呢五年，基金下跌29.2%，大幅落後於指標6.3%。以過去三年風險來睇，波動率有成26.2%，高於指標21.8%。睇嚟Wallach要加把勁，強化基金表現，先證明到自己係堅嘅揀股專家。