吳君如和陳可辛前晚到尖沙嘴出席奧比斯慈善晚宴，君如捐出親手畫的油畫拍賣，底價兩萬元，她表示有關方面已獲有心人捐錢買了飛機作為醫院，現在要籌款買儀器。君如表示其畫作為抽象派：「原先想同個女合作，但佢唔得閒，我有信心會有人投，相信唔止兩萬。」她表示家中仍有很多作品，可再捐出來做善事。
日前本報拍得君如在街上似教訓囡囡，君如即說：「佢係我老細，我唔敢鬧，只係我叫個女去食飯，點知唔記得要補習，我叫佢返屋企，佢就一聲唔好，咁我咪叫老師嚟餐廳，只要個女叫一聲我就冇符。我好驚個女， 一聲就心軟。」提到好友葉玉卿有意復出拍戲，君如說：「我都只係隨口問一句，點知佢話想，戲癮呢啲嘢好難講。」
採訪、攝影：魯萍