噚日公佈業績嘅I.T（999），半年純利1.2億元，按年跌21%。經歷大半年「要錢唔要貨」的割價下，毛利率只跌2.7個百分點，至59.6%，真是有點不可思議。存貨較2月時升7%，當半年前打折下買的衫，前幾星期仲賣緊，Samantha對清存貨進度感到非常不樂觀。
跨國品牌殺入大中華地區大肆搶奪市佔率，代理長期挨打，豈不成另類東亞病夫？
各地近年落力發展本地品牌，新加坡有賣鞋出晒名的Charles & Keith，台灣近期吹MIT（Made in Taiwan）風，打造網上版的ZARA。I.T亦積極發展自家品牌，佔整體收入逾五成。
但I.T能否靠自家品牌翻身，還有暗湧，近排在潮人重鎮開設多間紅極一時的日本潮牌A Bathing Ape專門店，當年一件Tee掛個牌上去賣成千蚊，及後猿人孭上巨額負債，去年I.T以超過2000萬元收購。
猿人能否延續當年的暴利幫I.T賺大錢，Samantha有好大疑問。今次算不算賭得豪咗啲？
Samantha
本欄逢周一、三、五刊出