特區政府連出兩下重招意圖令樓市降溫，首個周末周日一二手成交即停頓，昨日美聯集團（1200）股價表現，正好反映市場對未來樓市成交量大跌的看法。對上一次出招，藉SSD將出售期鎖死兩年，已令放盤量大減，今次鎖死3年兼提高稅率，豈不是令放盤更少？
特區政府認為樓價上升，是炒家及外來買家所致，但事實外地買家尤其內地客在近一兩年已因內地銀根緊張而大幅減少，今次加重稅，主要會令業主覺得客源大減而令叫價收斂，實際壓抑樓市的效用未必太大。
最無奈是一眾地產經紀，本來地產代理從業員人數已經超多，今次落重藥相信會令部份業者轉行，因成交大減之下，根本養唔起咁多人。而受惠者可能會是一眾零售商舖，近年地產代理行大幅擴充，已出現非理性搶舖現象，若干屋苑或街道更被一列代理行佔據，有些新落成的屋苑商場，代理行仲多過食肆，點住先？
買家業主均按兵不動
在樓價高企之下，梁振英政府為救民望，已不惜破壞香港自由度，不但排斥外地人，還說必要時會再出招，相信是令樓市成交停頓的更大因素。早前傳出向銀行徵收按揭利息稅，已有大行直斥提議「白痴」，因額外的利息只會令業主轉嫁於租客，令租客負擔百上加斤。
過多的干預未知會令市場如何發展，不論你是買家抑或業主，最好是按兵不動，股票投資者相信暫時亦唔會撈地產股，除了沽空美聯，看不到還有甚麼投資機會。
歐陽風