阿仙奴高層從來嫌棄呢個盃仔，但一班「副選」或「棄將」唔係同你咁諗；今作客正為護級發愁嘅雷丁爭入8強，客W若見公佈弱陣後回飛更添值博率。那管你係邊隊嘅擁躉，同事筋肉人說得沒錯，英超強撼強，大利受讓一方；周日「蘋果擂台」，多得他觸發小弟靈感，加埋紐卡素完場前數秒絕殺入波，得以大捷再佔領先位置，還有兩天，勝負難料，但呢個月真激！喺賭波已剩不多感情，上次講過雷丁主場特勁，重心必捧；今次當然唔同估計，雷丁後顧下周日作客同未贏過嘅昆士柏演聯賽護級大戰，領隊麥達莫今次仲敢好似上一圈出普格恩耶克打箭頭，作客掃低昆士柏流浪？我極有懷疑。阿仙奴唔使左諗右諗，必全出副選，前線有艾沙維同查馬克外，或有機會出扭計加人工、但多數唔會令雲格就範嘅禾確特；中場有兩位明日之星拿比同傷癒嘅費林邦；後防有佐羅同恩格斯美基爾，仲有畀沙格拿搶番嗰右閘位嘅贊堅臣，呢個陣容騎呢得嚟相信不難延續佢哋近6季必入8強兼兩度入決賽嘅戰績。係新人、棄將打得好，一路晉級，同球會雙贏格。周中呢類「騎呢波」密布，不用左度右度，3注全推阿仙奴。(下次見報日期：3 /11)蘋果波神
今周精選
《正》阿仙奴勝《副》阿仙奴勝[-1]《冷》阿仙奴勝3:1,4:1