呢幾日全個荷李活啲明星都出動去慶祝萬聖節，但其實又唔使一定要扮鬼扮馬，好似諧星阿當桑迪拿（Adam Sandler）咁，帶住6歲大女Sadie同4歲細女Sunny去迪士尼玩，搵着住萬聖節衫嘅米奇老鼠同唐老鴨嚟幫佢女，一樣咁開心。天真嘅Sunny見到米妮後，仲一手搣米妮個老鼠鼻，真係可愛。玩到攰之後，仲有老竇阿當推住雙座位BB車，服侍幾咁周到。